Լոնդոնի «Չելսիի» կիսապաշտպան Ն’Գոլո Կանտեն, ում պայմանագիրը «Թոշակառուների» հետ ավարտվում է, պահանջված է եվրոպական գրանդների շրջանում։
Ինչպես տեղեկացնում է Diario Sport-ը, ՊՍԺ-ն հետաքրքրված է 31-ամյա հենակետային կիսապաշտպանի ծառայություններով: Փարիզյան թոփ-ակումբը մտադիր է Կանտեի համար պայքարում առաջ անցնել կատալոնական «Բարսելոնայից», որն ավելի վաղ հայտարարել էր ֆրանսիացիներին ուժեղացնելու ցանկության մասին։
Ֆուտբոլիստը «Չելսիում» հանդես է գալիս 2016 թվականի ամառվանից։ Նրա ներկայիս տրանսֆերային արժեքը գնահատվում է 30 միլիոն եվրո։
