Պրեմիեր Լիգայի ակումբները մեծամասնությամբ քվեարկել են 2025/26 մրցաշրջանից միջոցների ծախսման ոլորտում նոր կանոններ ընդունելու օգտին, հայտնում է Sky Sports-ը։
Եթե նոր կանոնակարգերը հաստատվեն տարեվերջին, դրանք կփոխարինեն լիգայի գործող շահութաբերության և կայունության (PSR) կանոնները։
Նոր կանոնների հիմնական առանձնահատկությունն այն է, որ ակումբները, որոնք չեն խաղում եվրոպական մրցաշարերում, կկարողանան իրենց եկամտի 85%-ը ծախսել թիմի վրա։ Սա ներառում է խաղացողների աշխատավարձերը, ամորտիզացված տրանսֆերային վճարները և գործակալության վճարները։ Եվրագավաթների մասնակիցների համար սահմանն ավելի խիստ կլինի՝ 70%: Վերջնական պայմանները դեռ պետք է համաձայնեցվեն։
«Մանչեսթեր Յունայթեդը», «Մանչեսթեր Սիթին» և «Ասթոն Վիլան» դեմ են քվեարկել ծախսերի սահմանաչափի ներդրմանը։ «Չելսին» ձեռնպահ է մնացել։
