Մադրիդի «Ռեալի» և Բրազիլիայի հավաքականի վինգեր Վինիսիուս Ժունիորը իր վերաբերմունքն է հայտնել 2024 թվականի «Ոսկե գնդակը» չնվաճելու փաստի վերաբերյալ։
««Ռեալը» աշխարհի լավագույն թիմն է։ Իմ թիմակիցներն օգնում են ինձ, և ես այստեղ եմ, որպեսզի խաղամ նրանց համար, ամեն ինչ տամ և փառք բերեմ աշխարհի ամենակարևոր մարզաշապիկին։ Ես ինձ շատ հանգիստ եմ զգում։
Միշտ քրտնաջան աշխատել եմ և փորձել իմ լավագույնը։ Այն մարդիկ, ովքեր չեն քվեարկել իմ օգտին «Ոսկե գնդակի» ժամանակ չեն փոխի այն, ինչ ես մտածում եմ իմ մասին և այն, ինչ ասում են իմ թիմակիցներն ամեն օր»,- Վինիսիուսի խոսքերն է մեջբերում Marca-ն։
2024 թվականի «Ոսկե գնդակի» քվեարկության արդյունքներով Մադրիդի «Ռեալի» հարձակվողը զբաղեցրել է երկրորդ տեղը։
