Իսպանական AS հրատարակությունը հարցազրույց է անցկացրել սպորտային մարքեթինգի մասնագետների հետ, ովքեր հաշվարկել են, թե որքան կարող է Մադրիդի «Ռեալը» վաստակել Կիլիան Մբապպեի՝ ՊՍԺ-ից տեղափոխությունից։
Ակնկալվում է, որ «սերուցքայինները» շատ բարձր եկամուտ կստանան իրենց ներդրումներից: Որոշ փորձագետների կարծիքով՝ «Ռեալը» կարող է հույս դնել 500 միլիոն եվրոյի շահույթի վրա։
Նման եզրակացություններ են արվել՝ հաշվի առնելով հնարավոր պայմանագրերը բրենդների հետ, որոնց հետ համագործակցում է Մբապպեն (Nike, Oakley, Hublot): Հաշվի է առնվել նաև սոցիալական ցանցերում բաժանորդների ավելացումը, երկրից դուրս մարզաշապիկների վաճառքի աճը, հեռուստատեսային հեռարձակման իրավունքների թանկացումը. ֆրանսիացու գալուց հետո Լա Լիգայի դիրքը զգալիորեն ամրապնդվել է։
Հրատարակությունը նաև համեմատական վերլուծություն է անցկացնում 2009 թվականին Կրիշտիանու Ռոնալդուի տրանսֆերի հետ։ Այն ժամանակ ակումբը տրանսֆերի վրա ծախսեց 94 միլիոն եվրո և երկու անգամ ավելի վաստակեց։ Մբապպեի տրանսֆերը, հաշվի առնելով պայմանագրի բոնուսն ու աշխատավարձը, ըստ մամուլի տեղեկությունների, Մադրիդի «Ռեալին» կարժենա 250 միլիոն եվրո։
