«Սևիլիայի» նախագահը խոսել է «Բարսելոնայի» և Նեգրեյրայի գործի մասին։
Հաղորդվում էր, որ կատալոնական ակումբը 2016-ից 2018 թվականներին 1,4 միլիոն եվրո է վճարել Խոսե Մարիա Էնրիկես Նեգրեյրային, ով այն ժամանակ եղել է տեխնիկական մրցավարական կոմիտեի փոխնախագահը։ Ակումբը պարզաբանել է, որ Իսպանիայի ֆուտբոլի թագավորական ֆեդերացիայի պաշտոնյան վարձատրվել է երիտասարդ խաղացողների և մրցավարության մասին զեկույցների համար։ Հետո հայտնի դարձավ, որ «Բարսան» 2003 թվականից 4,7 միլիոն եվրո է փոխանցել Նեգրեյրային։ Ակումբից տրանսֆերները կազմել են նրա ընկերության շրջանառության 95%-ը 2016-ից 2018 թվականներին։
«Մենք առաջինն էինք, որ բողոք ներկայացրինք և պահանջեցինք մինչև վերջ հետաքննություն անցկացնել։ Ոչ միայն հանուն «Սևիլիայի», այլ նաև նրա, որ դա կասկածի տակ է դնում իսպանական ֆուտբոլի հեղինակությունը։
Դրանից հետո մնացած բոլոր ակումբները պահանջում էին վերջակետ դնել գործին, քանի որ իսպանական ֆուտբոլը չի կարող թույլ տալ, որ դա տեղի ունենա։
Չպետք է այնպես լինի, որ ներկայիս ղեկավարը գումար ստանա որեւէ ակումբից։ Մենք չենք կարող թույլ տալ, որ դա տեղի ունենա, ով էլ որ լինի: Մենք բոլորս ֆուտբոլում շատ բան ունենք: Կա երկրպագուների բազա, որն արժանի է հարգանքի, մենք պետք է մինչև վերջ գնանք նման լուրջ հարցի դեպքում»,- ասել է Խոսե Կաստրոն։
