«Մանչեսթեր Յունայթեդը» պատրաստ է առաջիկա տրանսֆերային պատուհանի ընթացքում լսել երեք աստղային ֆուտբոլիստների վերաբերյալ առաջարկներ։
Խոսքը թիմի կիսապաշտպան Կազեմիրոյի, դարպասապահ Անդրե Օնանայի և եզրային հարձակվող Ալեխանդրո Գարնաչոյի մասին է։
Լրագրող Սայմոն Մալոքի խոսքով՝ բրազիլացին և կամերունցին, ինչպես սպասվում է, պահանջարկ կունենան Սաուդյան Արաբիայի առաջնության ներկայացուցիչների շրջանում, որոնցից յուրաքանչյուրի համար առաջարկվում է մոտ 20 միլիոն ֆունտ ստեռլինգ (ավելի քան 23 միլիոն եվրո)։
Երիտասարդ արգենտինացին մնում է իտալական «Նապոլիի» ուշադրության կենտրոնում։
Transfermarkt-ը Կասեմիրոյի, Օնանայի և Գարնաչոյի արժեքը գնահատում է համապատասխանաբար 12, 32 և 45 միլիոն եվրո։
