«Չելսիի» պաշտպան Ռիս Ջեյմսը կարող է կարիերան շարունակել Իսպանիայի առաջնությունում։ Այս մասին հայտնում է deadlinedaylive-ը։
Անգլիացի ֆուտբոլիստի ծառայություններով հետաքրքրված է կատալոնական «Բարսելոնան»։
Կատալոնական ակումբի ղեկավարությունը քննարկում է Ջեյմսի հետ պայմանագիր կնքելու հնարավորությունը ամառային տրանսֆերային պատուհանի ժամանակ։ «Բարսելոնան» պատրաստ է անգլիացու տրանսֆերի համար առաջարկել 25 միլիոն։
25-ամյա պաշտպանը «Չելսիի» կազմում հանդես է գալիս 2019 թվականի ամռանից։ Ֆուտբոլիստի գործող պայմանագիրը լոնդոնյան ակումբի հետ լրանում է 2028 թվականի հունիսի վերջին։
Պաշտպանը այս մրցաշրջանում Պրեմիեր Լիգայում անցկացրել է 16 խաղ և խփել մեկ գոլ։
