Արգենտինացի պաշտպան Նահուել Մոլինան, ով հանդես է գալիս «Ատլետիկո Մադրիդի» կազմում, կարող է լքել թիմը ամառային տրանսֆերային պատուհանի ժամանակ։ Այս մասին հայտնում է Todofichajes պորտալը։

27-ամյա ֆուտբոլիստը կարող է վերադառնալ Իտալիայի առաջնություն, որտեղ նախկինում խաղացել է «Ուդինեզեի» կազմում։

Թուրինի «Յուվենտուսը» հետաքրքրություն է ցուցաբերում Մոլինայի տրանսֆերի նկատմամբ։

Transfermarkt-ը պաշտպանի արժեքը գնահատում է 25 միլիոն եվրո։

Արգենտինացու պայմանագիրը նախատեսված է մինչև 2027 թվականի հունիսի վերջը։ Ֆուտբոլիստը այս մրցաշրջանում Լա Լիգայում անցկացրել է 26 խաղ՝ կատարելով երեք գոլային փոխանցում։