Նոր տեղեկություն «Էսպանյոլ» – «Ռեալ Մադրիդ» խաղի մրցավարության հետ կապված դատական հայցի վերաբերյալ

Իսպանիայի առաջնության 22-րդ տուրում Մադրիդի «Ռեալը» 0:1 հաշվով պարտվեց «Էսպանյոլին»:

Մադրիդցիները դժգոհել են մրցավարությունից։ «Էսպանյոլի» հաղթական գոլը խփեց Կառլոս Ռոմերոն, որը ավելի վաղ պետք է հեռացվեր Կիլիան Մբապեի նկատմամբ խախտման համար։

Մադրիդի «Ռեալը» պաշտոնական բողոք է ներկայացրել Իսպանիայի ֆուտբոլի թագավորական ֆեդերացիային։

«Սերուցքայինները» ցանկանում են ստանալ մրցավարների և տեսաօգնականների խոսակցությունների ձայնագրությունները այն պահերին, երբ Ռոմերոն չէր հեռացվել խաղադաշտից։