«Բարսելոնան» հուսով է ավարտել Մարկուս Ռեշֆորդի վարձակալությունը մինչև ձմեռային տրանսֆերային պատուհանի փակվելը:

Ըստ որոշ տեղեկությունների՝ «Մանչեսթեր Յունայթեդի» հարձակվողը պատրաստ է միանալ «կապտանռնագույններին», սակայն այս քայլին հասնելու համար կատալոնական գրանդը պետք է բաժանվի իր խաղացողներից մեկից։

Ինչպես հաղորդում է Transfer News Live-ը՝ վկայակոչելով El Nacional-ին, «Բարսելոնան» պատրաստ է թույլ տալ կենտրոնական պաշտպան Անդրեաս Քրիստենսենին «կարմիր սատանաների» կազմում հանդես գալ, որպեսզի Ռեշֆորդն էլ կարողանա տեղափոխվել հակառակ ուղղությամբ: Ավելի վաղ լուրեր էին պտտվում անգլիական ակումբի հետաքրքրության մասին 28-ամյա դանիացու նկատմամբ, որը Transfermarkt-ը գնահատում է 20 միլիոն եվրո։