ՊՍԺ-ի պաշտպան Մարկինյոսը կիսվել է Չեմպիոնների Լիգայի կիսաեզրափակչի՝ Դորտմունդի «Բորուսիայի» դեմ պատասխան խաղի սպասելիքներով։
«Մեր փորձը մեզ օգտակար կլինի այս խաղում: Մեր մարզիչը անձամբ գիտի նման հանդիպումների մասին։ Մենք պետք է թարմ մոտենանք նրանց, որպեսզի լավագույնս խաղանք: Յուրաքանչյուր հանդիպում և յուրաքանչյուր մրցաշրջան ունի իր պատմությունը։
Մենք պետք է պարտադրենք մեր ոճը՝ այն, ինչ ցուցադրել ենք մրցաշրջանի սկզբից։ Ամեն ինչ կանենք լավ խաղ ցուցադրելու և հնարավորություններ ստեղծելու համար, ինչպես առաջին հանդիպման երկրորդ խաղակեսում։ Մենք քրտնաջան աշխատել ենք և գիտենք այն մանրամասները, որոնք պետք է բարելավել:
