«Ֆեյենորդի» գլխավոր մարզիչ Արնե Սլոտը հաստատել է, որ կարող է գլխավորել «Լիվերպուլը»։
«Ակնհայտ է, որ ես կցանկանայի աշխատել այնտեղ: Ակումբները բանակցում են, ուստի ես դեռ սպասում եմ։ Մենք սպասում ենք համաձայնության ձեռքբերմանը, բայց ես վստահություն ունեմ»,- Սլոտի խոսքերն է մեջբերում ESPN.nl-ը։
Ապրիլի 23-ին տեղեկություններ հայտնվեցին, որ 45-ամյա հոլանդացին «Լիվերպուլի» գլխավոր մարզչի հիմնական թեկնածուն է։ Այս տարվա հունվարին Յուրգեն Կլոպը, ով այժմ գլխավորում է մերսիսայդցիները, հայտարարեց մրցաշրջանի ավարտից հետո թիմից հեռանալու մասին։
Սլոտը աշխատում է «Ֆեյենորդի» հետ 2021 թվականից։ 30 խաղից հետո նրա թիմը Հոլանդիայի առաջնությունում զբաղեցնում է երկրորդ տեղը՝ առաջատար ՊՍՎ-ին զիջելով 12 միավորով։
