Լա Լիգայի նախագահ Խավիեր Տեբասը խոսել է Չավիի՝ «Բարսելոնայի» գլխավոր մարզչի պաշտոնում աշխատանքը շարունակելու որոշման մասին։
Հունվարի վերջին Չավին հայտարարեց, որ ընթացիկ մրցաշրջանի ավարտից հետո կհեռանա «Բարսելոնայից», սակայն վերջերս մտափոխվեց։
«Սա ակումբի որոշումն է: Ես չեմ կենտրոնանում նման հարցերի վրա, նույնիսկ եթե դրանք կարող են զարմանալի կամ տարօրինակ թվալ։ Մարզիչներին ու նրանց որոշումները մեկնաբանելը իմ պարտականությունը չէ։
Եթե Լապորտան դա նպատակահարմար համարի, և Չավին գոհ մնա, ապա ավելի լավ կլինի «Բարսելոնայի» համար, բայց ես չեմ կարող իմ կարծիքն ունենալ այս թեմայով»,- Տեբասի խոսքերն է մեջբերում Barca Universal-ը։
32 տուրից հետո «Բարսելոնան» 70 միավորով զբաղեցնում է Լա Լիգայի մրցաշարային աղյուսակի 2-րդ հորիզոնականը։