Երևանի «Ուրարտուի» կիսապաշտպան Դենիս Գլուշակովը Նոբել Առուստամյանին տված հարցազրույցում խոստովանել է, թե ինչ ակնկալիքներով է եկել Հայաստան։
Գլուշակովը «Ուրարտու» է տեղափոխվել փետրվարին։
«Անկեղծ ուզում եմ ասել. երբ եկա այստեղ, մտածեցի, որ իրականում գյուղ է լինելու և ինչ-որ կոլտնտեսություն: Բայց երբ հասա և տեսա Երևանը, ես ամբողջովին ցնցվեցի։
Քաղաքն ընդհանուր առմամբ հիանալի է։ Ջերմ է, մարդիկ հյուրընկալ են, խոհանոցը խենթ է»,- ասաց 37-ամյա Գլուշակովը։
Գլուշակովի պայմանագիրը «Ուրարտուի» հետ նախատեսված է մինչև այս մրցաշրջանի ավարտը։