«Միլանը» գլխավոր մարզիչ է փնտրում:
Ինչպես տեղեկացնում է La Gazzetta dello Sport-ը, «Միլանը» փոխարինող է փնտրում Ստեֆանո Պիոլիին։
Գլխավոր մարզչի պաշտոնի հավանական թեկնածուների թվում են Խուլեն Լոպետեգին , ով նույնպես մեծ առաջարկ ունի «Վեսթ Հեմից», բայց նախընտրում է աշխատել «ռոսոներիների» հետ, և Պաուլո Ֆոնսեկան , ում պայմանագիրը «Լիլի» հետ ավարտվում է այս ամառ։ Պորտուգալացու օգտին է խոսում այն փաստը, որ նա ծանոթ է Իտալիայի առաջնությանը «Ռոմայում» անցկացրած ժամանակներից։
Հնարավոր է նաև այլընտրանքային տարբերակ, որը կառաջարկի իտալական ակումբի սեփականատեր Գերի Կարդինալեի խորհրդական Զլատան Իբրահիմովիչը։
TuttoMercatoWeb-ն իր հերթին նշում է Քրիստոֆ Գալտիեի և Մարսելո Գալարդոյի անունները , սակայն նրանց մեծ պայմանագրերը համապատասխանաբար «Ալ-Դուհեյլի» և «Ալ-Իթթիհադի» հետ չափազանց դժվարացնում են բանակցությունները նրանց հետ։
