Մադրիդի «Ռեալի» ֆուտբոլիստ Ռոդրիգոն ասել է, որ ապագայում չի պատրաստվում հեռանալ իսպանական ակումբից։
«Ես շատ եմ սիրում այս ակումբը։ Հուսով եմ, որ ընդմիշտ կմնամ այստեղ: Անչելոտտի՞ն։ Նա ինձ համար հոր պես է», – Ռոդրիգոյի խոսքերը մեջբերում է հայտնի լրագրող և ինսայդեր Ֆաբրիցիո Ռոմանոն X սոցիալական ցանցում (նախկինում Twitter):
Ռոդրիգոն 23 տարեկան է և Մադրիդի «Ռեալում» հանդես է գալիս 2019 թվականից։ Այս մրցաշրջանում բրազիլացին բոլոր մրցաշարերում անցկացրել է 45 հանդիպում, դարձել 17 գոլի և 8 գոլային փոխանցման հեղինակ։ Ֆուտբոլիստի գործող պայմանագիրը մադրիդյան ակումբի հետ նախատեսված է մինչև 2028 թվականի հունիսի վերջը: Transfermarkt հեղինակավոր առցանց պորտալը Ռոդրիգոյի շուկայական արժեքը գնահատում է 100 միլիոն եվրո։
