Մադրիդի «Ռեալի» կիսապաշտպան Տոնի Կրոսը պատասխանել է թիմում իր ապագայի մասին հարցին։
«Սա իմ վերջի՞ն մրցաշրջանն է «Ռեալում»: Ես դեռ հստակ չգիտեմ»,- սոցիալական ցանցերում Կրոսի խոսքերն է մեջբերում Madrid Universal-ը։
Ֆուտբոլիստի գործող պայմանագիրն ակումբի հետ նախատեսված է մինչև 2024 թվականի ամառ: Այս մրցաշրջանում Տոնին «Ռեալի» կազմում անցկացրել է 38 հանդիպում բոլոր մրցաշարերում, որոնցում դարձել է մեկ գոլի և 7 գոլային փոխանցման հեղինակ։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 14 միլիոն եվրո։