Մյունխենի «Բավարիայի» գլխավոր մարզիչ Թոմաս Տուխելը մեկնաբանել է Յուլիան Նագելսմանի՝ Գերմանիայի հավաքականի հետ պայմանագիրը երկարաձգելու որոշումը ։ Հիշեցնենք, որ մասնագետը պայմանագիր է ստորագրել, որը գործում է մինչև 2026 թվականի ամառ։
«Ես դա ակնկալում էի, երբ Ռուդի Վոլերը երկարաձգեց պայմանագիրը: Թվում է, թե նրանք լավ են աշխատում միասին: Սա թիմին տալիս է հստակություն, շարունակականություն և, հուսով եմ, խթան գալիք EURO-2024-ի համար»,- Տուխելի խոսքերը մեջբերել է «Բավարիան և Գերմանիան» X սոցիալական ցանցում (նախկինում՝ Twitter):
Հիշեցնենք, որ Գերմանիայի ֆուտբոլային ասոցիացիան այսօր՝ ապրիլի 19-ին, հայտարարել էր Նագելսմանի հետ պայմանագրի երկարաձգման մասին։ Յուլիանը Գերմանիայի հավաքականը գլխավորել է անցյալ տարվա սեպտեմբերին։ Ավելի վաղ իր պրոֆեսիոնալ կարիերայի ընթացքում 36-ամյա ֆուտբոլիստը գլխավորել է «Բավարիան», «ՌԲ Լայպցիգը» և «Հոֆենհայմը»: Այս ամառ ֆուտբոլի Եվրոպայի առաջնությունը կանցկացվի Գերմանիայում։ Յուլիան Նագելսմանի թիմը մրցաշարում իր պայքարը կսկսի A խմբից: Գերմանիայի հավաքականի մրցակիցները կլինեն Շոտլանդիայի, Հունգարիայի և Շվեյցարիայի հավաքականները: Եվրո 2024-ը կկայանա հունիսի 14-ից հուլիսի 14-ը։
