Իպոլիտո Ռինկոնը խոսել է «Մանչեսթեր Սիթիի» նկատմամբ Մադրիդի «Ռեալի» տարած հաղթանակի մասին։
Մադրիդյան ակումբը դուրս եկավ Չեմպիոնների Լիգայի կիսաեզրափակիչ՝ դուրս թողնելով «քաղաքայիններին» (3:3, 1:1, 11 մետրանոցներ՝ 4:3):
«Ռեալը» չի խաղում Չեմպիոնների Լիգայում հաղթելու համար։ Մադրիդի «Ռեալը» խաղում է հավերժության մեջ մնալու համար։ Գիտե՞ք ինչու հաղթեց «Ռեալը», որովհետև դա թիմ է: Թիմ լինել նշանակում է դիմանալ, զոհաբերվել, միասնություն ցույց տալ։ Այս հատկանիշները, որոնց մասին ոչ ոք չի խոսում, բնորոշ են Մադրիդին։
Եթե թիմը չխաղա թիմային, նվիրումով, հարմարվելու պատրաստակամությամբ, որը «Ռեալը» ցույց տվեց «Մանչեսթեր Սիթիի» դեմ խաղում … Եթե ինքդ քեզ չզոհաբերես, ամեն ինչ անիմաստ է։
Ինձ դուր չի գալիս «Բավարիան»՝ որպես կիսաեզրափակիչի մրցակից, մենք ստիպված կլինենք դիմանալ դրան: Ես եզրափակչում տեսնում եմ «Բորուսիային»: Կցանկանայի, որ ՊՍԺ-ն առաջընթաց գրանցեր, բայց նրանց համար դժվար կլինի։
Մադրիդն անհագ թիմ է։ Անչելոտտին խաղաց տարվա հանդիպումը, դարի խաղը… Բայց նա ասաց. «Մենք պետք է հաղթենք «Բարսելոնային» կիրակի օրը»:
Աստված ստեղծեց երկինքը, իսկ «Ռեալը»՝ աստղերին»,- ասել է Մադրիդի և Իսպանիայի հավաքականի նախկին հարձակվողը։