Ապրիլի 10-ին Փարիզում կայացած Չեմպիոնների Լիգայի քառորդ եզրափակիչ փուլի ՊՍԺ-ի հետ առաջին խաղից հետո (3:2) «Բարսելոնան» տուգանվել է 32 հազար եվրոյով։
Երկրպագուների պահվածքի պատճառով կատալոնական ակումբին մեղադրանք է առաջադրվել մի քանի հոդվածով։
Ինչպես հայտնում է ՈւԵՖԱ-ի պաշտոնական կայքը, «Բարսելոնան» տուգանվել է 2 հազար եվրոյով՝ պիրոտեխնիկա օգտագործելու համար, իսկ 5 հազարով՝ «Պարկ դե Պրենս» մարզադաշտին վնաս պատճառելու համար։
Բացի այդ, «բլաուգրանան» տուգանվել է 25 հազար եվրոյով իրենց երկրպագուների ռասիստական պահվածքի համար։ Ակումբին կարգելվի ՈՒԵՖԱ-ի մրցաշարի հաջորդ արտագնա հանդիպման տոմսեր վաճառել իր երկրպագուներին որոշման օրվանից մեկ տարվա ընթացքում կրկնակի խախտման դեպքում։
