Մադրիդի «Ռեալի» հարձակվող Վինիսիուս Ժունիորը կարող է բաց թողնել իր թիմի հաջորդ հանդիպումը կատալոնական «Բարսելոնայի» դեմ Իսպանիայի առաջնությունում։
«Մանչեսթեր Սիթիի» հետ Չեմպիոնների լիգայի քառորդ եզրափակիչի պատասխան խաղում բրազիլացին թեթև վնասվածք է ստացել։ Լրագրող Ժորդի Ժիլի խոսքերով՝ Վինիսիուսը շուտով թեստավորում կանցնի, որը ցույց կտա՝ արդյոք հարձակվողը կկարողանա մասնակցել «Սանտյագո Բեռնաբեուում» կայանալիք խաղին։
Հիշեցնենք, որ «Ռեալի» առավելությունը «Բարսելոնայի» նկատմամբ առաջնությունում 8 միավոր է։
