«Լիվերպուլի» դարպասապահ Ալիսոն Բեքերը խոստովանել է, որ իրեն չի զարմացրել «Ատալանտայի» խաղը «Էնֆիլդում»՝ չնայած հանդիպման արդյունքին (0։3)։
«Ես այս թիմին ճանաչում եմ «Ռոմայում» իմ ժամանակներից, ուստի ինձ չզարմացրեց «Ատալանտայի» խաղը: Նրանք միշտ կոշտ ընկույզներ են եղել: Ֆիզիկապես շատ ուժեղ թիմ, որի դեմ դժվար է խաղալ»,- դարպասապահի խոսքերն է մեջբերում Football Italia-ը։
Նշենք, որ պատասխան հանդիպումը կկայանա ապրիլի 18-ին։