Սպորտային սարքավորումներ արտադրող Nike-ին հաջողվել է ժամանակավոր արգելք ստանալ «Բարսելոնայի» նկատմամբ՝ միակողմանիորեն խզելու պայմանագիրը։
2023/24 մրցաշրջանի ընթացքում ԶԼՄ-ները շատ էին գրում այն մասին, որ «Բարսելոնան» ամռանը կարող է փոխել իր տեխնիկական հովանավորին կամ նույնիսկ սկսել սեփական մարզահագուստի արտադրությունը։
Այնուամենայնիվ, «Բարսան» կմնա Nike-ի հետ առնվազն մինչև 2028 թվականը, հայտնում է Diario Sport-ը: «Բարսելոնայի» առևտրային դատարանի կողմից ձեռնարկված նախազգուշական միջոցները բավական խիստ են՝ կատալոնական ակումբի կողմից սույն պայմանագրի ցանկացած խախտումից խուսափելու համար:
Այս նախազգուշական միջոցները ձեռնարկելուց հետո «Բարսան» կփորձի բարելավել համագործակցության պայմանները: Ակումբն ընդհանուր առմամբ բաց է Nike-ի հետ պայմանագիրը երկարաձգելու համար՝ բարենպաստ տնտեսական համաձայնության դեպքում: