Ստեֆանո Պիոլին կարող է հեռանալ «Միլանից», եթե «Ռոման» դուրս թողնի Եվրոպա Լիգայից։
Եվրոպա Լիգայի 1/4 եզրափակչի առաջին խաղում «Ռոման» հաղթեց 1։0 հաշվով։
Ինչպես հայտնում է La Gazzetta dello Sport-ը, Պիոլիի ապագան Միլանում կախված է պատասխան խաղի արդյունքից և Ա Սերիայում «Ինտերի» հետ հանդիպման արդյունքից։ Նշվում է, որ «Ռոմայի» հետ խաղն ավելի լուրջ ազդեցություն կունենա կադրային որոշումների վրա։
Եթե «Միլանը» դուրս գա Եվրոպա Լիգայի կիսաեզրափակիչ, Պիոլիի ապագան ակումբում վտանգված չի լինի։
Հրաժարականի դեպքում Զլատան Իբրահիմովիչի կարծիքը կարևոր դեր կունենա նոր մարզչի ընտրության հարցում ։
Պիոլին «Միլանի» հետ աշխատում է 2019 թվականից։ Նրա գլխավորությամբ թիմը 2021/22 մրցաշրջանում դարձել է Իտալիայի չեմպիոն։