«Բարսան» առաջիկա ամռանը սահմանափակ կլինի շուկայում ֆինանսական խնդիրների պատճառով:
Ինչպես հայտնում է Diario Sport-ը, ակումբի մարզական տնօրեն Դեկոն աշխատում է Ժոաու Կանսելուին և Ժոաու Ֆելիշին պահել, ինչպես նաև իրականացնել երկու տրանսֆեր. «Բարսելոնան» ցանկանում է ամռանը ձեռք բերել հենակետային կիսապաշտպանի և ձախ եզրային հարձակվողի: Այս պահին դիտարկվում են միայն էժան տարբերակներ։
Տրանսֆերային շուկայում ավելի ակտիվ լինելու համար «Բարսելոնան» պետք է մեծ գումարով վաճառի թիմի ներկայիս ֆուտբոլիստներից մեկին։ Դեկուն փորձում է նման գործարք կազմակերպել. նա մի քանի հանդիպում է անցկացրել այս մասին այն ֆուտբոլիստների հետ, ովքեր մեծ պրակտիկա չունեն։ Սակայն այս պահին Դեկուի ընտրած ֆուտբոլիստերից ոչ մեկը չի ցանկանում հեռանալ «Բարսելոնայից»։
Եթե իրավիճակը չփոխվի, «Բարսելոնայի» «ձեռքերն ու ոտքերը կապված» կլինեն։
