«Բարսելոնայի» կիսապաշտպան Պեդրին կիսվել է Չեմպիոնների Լիգայի քառորդ եզրափակչի՝ ՊՍԺ-ի դեմ տնային պատասխան խաղի սպասելիքներով։
Փարիզում կայացած առաջին խաղն ավարտվել է «Բարսայի» հաղթանակով՝ 3։2 հաշվով։
«Թիմն անհամբեր սպասում է այս խաղին: Այս պահին սա իմ կարիերայի ամենակարեւոր հանդիպումն է՝ Եվրոպայի առաջնության կիսաեզրափակչի հետ մեկտեղ։ Մենք ունենք երկու շատ հավասար թիմեր՝ նման խաղաոճով։ Հանդիսատեսը լավ խաղ է սպասում:
ՊՍԺ-ն կժամանի լիովին զինված։ Պետք է մոտենանք այս հանդիպմանը՝ մոռանալով առաջին խաղի արդյունքը։ Մենք պետք է ավելի զգույշ խաղանք։ Փարիզում վերադարձը հիանալի էր, բայց մենք չենք ցանկանում նորից հայտնվել նմանատիպ դիրքում»,- Պեդրիի խոսքերն է մեջբերում ՈՒԵՖԱ-ի մամուլի ծառայությունը։
Թիմերի միջև պատասխան խաղը կկայանա ապրիլի 16-ին Բարսելոնայում։