Դանի Ալվեսը Նեյմարի հորը վերադարձրել է 150 հազար եվրո դատական ծախսերի համար։
Հիշեցնենք, որ այս տարվա հունվարին Նեյմարի ընտանիքը «Բարսելոնայի» նախկին ֆուտբոլիստին պաշտպան էր տրամադրել բռնաբարության գործով իրեն պաշտպանելու համար, ինչպես նաև դատարանին վճարել 150 հազար եվրո։ Ալվեսը դատապարտվել է 4,5 տարվա ազատազրկման, սակայն այնուհետև ազատ է արձակվել 1 միլիոն եվրոյի չափով գրավի դիմաց՝ մինչև պատժի վերջնական ուժի մեջ մտնելը։
Ինչպես տեղեկացնում է ESPN-ը՝ վկայակոչելով Ալվեսի փաստաբան Ինես Գվարդիոլային, ֆուտբոլիստը Նեյմարի հորը վերադարձրել է 150 հազար եվրո։ Գումարը փոխանցվել է անցած շաբաթ։
Նեյմարի ընտանիքը նաև օգնել է Ալվեսին տուժողին փոխհատուցում վճարել 150 հազար եվրոյի չափով, ինչը թույլ է տվել նրան մեղմացնել պատիժը։