Movistar-ը ներողություն է խնդրել Լամին Յամալի մասին եթերում հնչեցրած դիտողության համար։
ՊՍԺ – Բարսելոնա (2:3) խաղի մեկնարկից քիչ առաջ , երբ տեսախցիկը ցույց տվեց Յամալին, Ատլետիկոյում Դիեգո Սիմեոնեի նախկին օգնական Գերման Բուրգոսը , ով հանդես էր գալիս որպես այս խաղի վերլուծաբան, եթերում վիրավորել էր նրան։
Խաղից հետո «Բարսելոնան» և ՊՍԺ-ն հրաժարվել են հարցազրույց տալ Movistar-ին։ Այնուհետև Բուրգոսը ներողություն խնդրեց վատ արտահայտության համար:
«Movistar Plus+-ի աշխատակիցներից մեկի՝ Չեմպիոնների Լիգայի ՊՍԺ – «Բարսելոնա» խաղից առաջ Լամին Յամալի հասցեին արված ցավալի մեկնաբանությունների պատճառով հարթակը հրապարակային ներողություն է խնդրում:
Movistar-ը դատապարտում է խտրականությունը ցանկացած ձևով և այլևս չի հանդուրժի նման մեկնաբանությունները հարթակի որևէ աշխատակցի կամ գործընկերոջ կողմից:
Միջադեպի հետ կապված կայքը համապատասխան միջոցներ կձեռնարկի, որպեսզի նման միջադեպեր չկրկնվեն»,- ասվում է հեռարձակողի հաղորդագրության մեջ։