Թուրինի «Յուվենտուսի» հարձակվող Դուշան Վլահովիչը անվանել է իր գլխավոր երազանքը ֆուտբոլում։
«Յուրաքանչյուր ֆուտբոլիստ ցանկանում է հաղթել Չեմպիոնների Լիգան։ Ես էլ եմ երազում սրա մասին։ Ապագայում իմ ամբողջ ուժը կտամ այս գավաթը նվաճելու համար»,- Վլահովիչի խոսքերը մեջբերում է Ա Սերիայի պաշտոնական կայքը։
Այս մրցաշրջանում Վլահովիչը բոլոր մրցաշարերում անցկացրել է 28 հանդիպում՝ դառնալով 16 գոլի և 3 գոլային փոխանցման հեղինակ։
«Յուվենտուսը» Իտալիայի առաջնության մրցաշարային աղյուսակի երրորդ տեղում է՝ 30 խաղում վաստակած 59 միավորով։