«Ինտեր Մայամիի» և Արգենտինայի հավաքականի հարձակվող Լիոնել Մեսսին պատմել է, որ մանկուց քննադատել է իրեն։
«Այս պահին ես շարունակում եմ մնալ ինքնաքննադատ։ Ֆուտբոլային առումով ես իմ առաջին քննադատն եմ։ Ինձ պետք չէ, որ ինչ-որ մեկը գնահատի իմ գործողությունները։
Ես առաջինն եմ, ով ինքս ինձ հարցնում եմ՝ արդյոք իմ խաղում ինչ-որ բան այնպես չէ, ինչպես պետք է»,- ֆուտբոլիստի խոսքերն է մեջբերում Diario Sport-ը։
Անցած ամառվանից 36-ամյա Մեսսին հանդես է գալիս ամերիկյան «Ինտեր Մայամի» ակումբում։ MLS-ի այս մրցաշրջանում հարձակվողը անցկացրել է 3 հանդիպում, դարձել 3 գոլի և մեկ գոլային փոխանցման հեղինակ։
