Մյունխենի «Բավարիայի» ձախ պաշտպան Ալֆոնսո Դևիսը կարևոր որոշում է կայացրել։ Լրագրող Ֆաբրիցիո Ռոմանոյի տեղեկություններով՝ կանադացին մտադիր չէ նոր պայմանագիր կնքել գերմանական ակումբի հետ։
Նշվում է, որ Մադրիդի «Ռեալն» արդեն տեղյակ է ֆուտբոլիստի որոշումից։ Հաղորդվում է, որ Դևիսը մտադիր է իր որոշման մասին հայտարարել առաջիկա շաբաթների ընթացքում։
Եթե «Բավարիային» չհաջողվի համոզել ֆուտբոլիստին, ապա 23-ամյա եզրային պաշտպանը, ամենայն հավանականությամբ, ամռանը կտեղափոխվի Մադրիդի «Ռեալ»։
Նախկինում Դևիսը «Բավարիայից» 13 միլիոն եվրո աշխատավարձ էր պահանջում։
