Լա լիգայի 20-րդ տուրի «Խետաֆե» – «Ռեալ Մադրիդ» խաղում (0:2) Ջուդ Բելինգհեմի կողմից Մեյսոն Գրինվուդին իբր վիրավորելու գործը կարճվել է, հայտնում է Mundo Deportivo-ն։

Աղբյուրի համաձայն՝ փորձագիտական ​​եզրակացությունից հետո շրթունքների ընթերցումը չի կարողացել հստակ ապացուցել՝ «Ռեալի» ֆուտբոլիստը «Խետաֆեի» ֆուտբոլիստին անվանել է «բռնաբարո՞ղ», թե՞ «աղբ»:

Ավելի վաղ ԶԼՄ-ները հայտնել էին, որ Մադրիդի «Ռեալի» կիսապաշտպան Բելինգհեմը փետրվարի 1-ին կայացած Իսպանիայի առաջնության 20-րդ տուրի (2:0) ժամանակ «բռնաբարող» է անվանել իր հայրենակից «Խետաֆեի» ֆուտբոլիստ Գրինվուդին։ Միջադեպը տեղի է ունեցել խաղացողների միջև դաժան ծեծկռտուքից հետո։ «Խետաֆեն» Լա Լիգայի պատվիրակին խնդրել է այս կետը ներառել խաղի հաշվետվության մեջ:

Հիշեցնենք, որ Գրինվուդը «Մանչեսթեր Յունայթեդի» խաղացող է, ով անցած սեպտեմբերին վարձավճարով տեղափոխվել է «Խետաֆե»։ Մինչ իսպանական ակումբին միանալը, անգլիացի ֆուտբոլիստը խաղադաշտից դուրս էր մնացել ավելի քան 18 ամիս այն բանից հետո, երբ ձերբակալվել էր բռնաբարության և հարձակման փորձի կասկածանքով: Ընթացիկ մրցաշրջանում անգլիացին բոլոր մրցաշարերում անցկացրել է 26 հանդիպում, դարձել ութ գոլի և 5 գոլային փոխանցման հեղինակ։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 7,5 մլն եվրո։

Այս մրցաշրջանում Բելինգհեմը բոլոր մրցաշարերում անցկացրել է 31 հանդիպում, խփել 20 գոլ և կատարել 9 գոլային փոխանցում։ Transfermarkt հեղինակավոր ինտերնետային պորտալը Bellingham-ի շուկայական արժեքը գնահատում է 180 մլն եվրո։