«Մանչեսթեր Յունայթեդի» և «Էվերթոնի» նախկին հարձակվող Ուեյն Ռունին կներկայացվի Անգլիայի «Football Legend» մրցանակին, հայտնում է Daily Mail-ը։
Աղբյուրի համաձայն՝ Ռունին մրցանակը կստանա՝ ի նշան Անգլիայի հավաքականի հանդեպ ունեցած իր նվիրվածության: Այս մրցանակը կստանա նաեւ ֆուտբոլիստ Ֆարահ Ուիլյամսը։
Ռունին Անգլիայի հավաքականի կազմում անցկացրած 120 խաղում դարձել է 53 գոլի հեղինակ և երկրի պատմության մեջ երկրորդ լավագույն ռմբարկուն է: 2023 թվականի մարտին նրան գերազանցեց Հարի Քեյնը։ Ուիլյամսը 20 տարվա կարիերայի ընթացքում 172 հանդիպում է անցկացրել ազգային հավաքականի կազմում, որի ընթացքում նա ներկայացրել է Անգլիան յոթ խոշոր մրցաշարերում, ինչը դեռևս ամենաշատն է անգլիացի կին ֆուտբոլիստների կողմից:
Առաջին Ֆուտբոլի լեգենդների մրցանակը շնորհվել է Ուելսի, «Լիդսի» և «Յուվենտուսի» խաղացող Ջոն Չարլզին 1997 թվականին, որին հաջորդել են սըր Սթենլի Մեթյուն և այլ աստղեր, այդ թվում՝ սըր Ալեքս Ֆերգյուսոնը, Դևիդ Բեքհեմը և Պելեն։
