«Բավարիայի» գլխավոր մարզիչ Թոմաս Տուխելը մոտ ժամանակներս կարող է հեռանալ մյունխենյան թիմից։
Ինչպես տեղեկացնում է Kicker-ը, գերմանացի մասնագետի ապագան կախված է Չեմպիոնների Լիգայի 1/8-րդ եզրափակչի «Լացիոյի» հետ պատասխան խաղից։ Եթե մյունխենցիները դուրս մնան Չեմպիոնների Լիգայից, Տուխելը հաստատ կլքի գլխավոր մարզչի պաշտոնը։
Սպասվում է, որ «Բավարիայի» սեփականատերերը մինչև մրցաշրջանի ավարտը պատրաստ կլինեն ղեկավարական փոփոխություններ կատարել։
Տուխելը «Բավարիան» գլխավորում է նախորդ տարվա մարտից։ Այնուհետև գերմանացի մասնագետն այս պաշտոնում անսպասելիորեն փոխարինեց իր հայրենակից Յուլիան Նագելսմանին։ Տուխելը Մյունխենի հետ հաղթել է Բունդեսլիգան 2022/23 մրցաշրջանում։ Պայմանագիրը, որը նախատեսված է մինչև 2025 թվականի հունիսը, կխզվի այս ամառ։
Գերմանիայի առաջնության 24 տուրից հետո «Բավարիան» վաստակել է 54 միավոր ու երկրորդ տեղում է՝ առաջատար «Բայերից» զիջելով 10 միավորով։