«Ուրարտուի» գլխավոր մարզիչ Դմիտրի Գունկոն մեկնաբանել է թիմի ռուս կիսապաշտպան Դենիս Գլուշակովի նորամուտը Հայաստանի Բարձրագույն խմբի առաջնության 22-րդ տուրի «Փյունիկի» հետ խաղում, որն ավարտվել է 1։1 հաշվով։
«Նա ժամանել է միայն հանդիպման ընդմիջմանը (ժպտում է): Եթե ավելի շուտ հասներ, սկզբից կսկսեր։ Նրա կարողություններն ու որակները կդարձնեն թիմն ավելի լավը»,- հետխաղյա մամուլի ասուլիսում ասել է Գունկոն։
Հիշեցնենք, որ այսօր՝ փետրվարի 27-ին, «Ուրարտուն» հայտարարեց Գլուշակովի հետ պայմանագիր կնքելու մասին, ով հանդես կգա ութերորդ համարի մարզաշապիկով։
Ավելի վաղ 37-ամյա Գլուշակովը լքել էր Կոստրոմայի «Սպարտակը» և ձմեռային ուսումնամարզական հավաքների համար միացել էր «Ռոստովին»։ ՌՊԼ-ի ձմեռային գավաթի առաջին խաղում Վալերի Կարպինը բաց թողեց ռուս կիսապաշտպանին «Շաբաբ Ալ-Ահլիի» հետ հանդիպման ամբողջ երկրորդ խաղակեսում (3:1): Գլուշակովը երկու ուսումնամարզական հավաք է անցկացրել «Ռոստովի» հետ, որից հետո ակումբը հայտարարել է ֆուտբոլիստի հեռանալու մասին։
