64 տարեկանում մահացել է գերմանացի հայտնի ֆուտբոլիստ Անդրեաս Բրեհմեն, հայտնում է Bild-ը։
Բրեհմեն մահացել է երկուշաբթի լույս երեքշաբթի գիշերը Մյունխենում սրտի կանգի հետևանքով։ Նրան տեղափոխել են հիվանդանոց, սակայն կյանքը փրկել չի հաջողվել։
Ֆուտբոլային կարիերայի ընթացքում Բրեհմեն հանդես է եկել «Կայզերսլաուտերն», «Ինտեր», «Բավարիա», «Սաարբրյուկեն» և «Սարագոսա» թիմերում։
Հենց Բրեհմեն խփեց Գերմանիայի հավաքականի հաղթական գոլը 1990 թվականի աշխարհի առաջնության եզրափակիչ խաղում Արգենտինայի դեմ խաղում (1:0):
