«Բավարիայի» և Գերմանիայի հավաքականի կիսապաշտպան Լեոն Գորեցկան առաջիկա ամառային տրանսֆերային պատուհանի ժամանակ կարող է փոխել ակումբային գրանցումը։ Այս մասին հայտնել է լրագրող Մարկո Դի Նատալեն X սոցիալական ցանցում (նախկինում՝ Twitter):
Աղբյուրի համաձայն՝ թուրինյան թիմը շուտով կապ կհաստատի «Բավարիայի» ղեկավարության հետ՝ 29-ամյա կիսապաշտպանին գնելու առաջարկով։ Նշվում է, որ մյունխենցիները ֆուտբոլիստին գնահատում են 40 միլիոն եվրո, իսկ ինքը՝ ֆուտբոլիստը, դեռ որոշում չի կայացրել իր ապագայի վերաբերյալ։
Գորեցկան «Բավարիայում» հանդես է գալիս 2018 թվականից։ Գերմանական թիմի հետ ֆուտբոլիստը նվաճել է 13 գավաթ, այդ թվում՝ ՈՒԵՖԱ-ի Չեմպիոնների լիգան:
