Մադրիդի «Ռեալի», «Չելսիի» և Բելգիայի հավաքականի նախկին վինգեր Էդեն Ազարը բացատրել է, թե ինչու էր արձակուրդից հետո հաճախ վերադառնում ակումբներ վատ ֆիզիկական վիճակում։
«Ամեն ամառ ես չորս-հինգ կիլոգրամ ավելանում էի, որովհետև մտածում էի, որ 10 ամսում այդքան շատ ես տալիս, մարմինդ չես խնայում, իսկ մարդիկ քեզ ոտքերով հարվածում են, ուրեմն քո արձակուրդը քո արձակուրդն է։
Ինձ ոչինչ մի՛ խնդրեք։ Ես սիրում եմ ժամանակ անցկացնել ընտանիքիս հետ, գնալ ծովափ, այնպես որ մի խնդրեք ինձ վազել այս երեք-չորս շաբաթվա ընթացքում: Ես կարող եմ լողափում ֆուտբոլ խաղալ երեխաներիս հետ, խնդիր չկա, բայց մի խնդրեք, որ վազեմ:
Բայց եթե նայեք իմ ողջ կարիերային, ապա առաջին ամսում ես մտածում էի, որ դա դեռ սկիզբն է, իսկ հետո սեպտեմբերից հոկտեմբեր թռչում էի, քանի որ ժամանակ էր պետք՝ իմ մարմինն ու միտքը կարգի բերելու համար:
Մենք բելգիացիներս սիրում ենք գարեջուր, քանի որ իմ երկիրն ունի աշխարհի լավագույն գարեջուրը: Չեմ ասում, որ ամեն օր խմել եմ, քանի որ դա ճիշտ չէ, բայց երբեմն լավ խաղից հետո հաճելի է մեկ-երկու շիշ խմել: Լավ խաղից հետո զգացողությունն էլ ավելի է լավանում»:
