Լա լիգայի նախագահ Խավիեր Տեբասը խոսել է Նեգրեյրայի գործի մասին։
Հիշեցնենք, որ մարտին ՈւԵՖԱ-ն հետաքննություն էր սկսել «Բարսելոնայի» դեմ՝ Իսպանիայի Արքայական ֆուտբոլի ֆեդերացիայի (RFEF) մրցավարների տեխնիկական կոմիտեի նախկին փոխնախագահ Հենրիկե Նեգրեիրային կանխիկ վճարումների գործով։ Լրատվամիջոցները հայտնում են, որ 2001-2018 թվականներին կատալոնական ակումբը Նեգրեյրային ավելի քան 7 միլիոն եվրո է վճարել:
«Սա ամենավատ բանն է, որ տեղի է ունեցել և տեղի կունենա իսպանական ֆուտբոլի պատմության մեջ. անհավանական է, որ ակումբն այսքան տարի վճարել է մրցավարների փոխնախագահին։
Չեմ կարծում, որ «Բարսելոնան» կաշառել է մրցավարներին, և շատ դժվար է ապացուցել, որ նրանք դա արել են: Բայց ակումբն իրականում փորձեց ազդել խաղերի մրցավարների նշանակումների, նրանց առաջխաղացման և անկման վրա. սա բավական է ինձ համար, որ հավատամ, որ շատ լուրջ բան է տեղի ունեցել:
Եթե դա տեղի ունենար հիմա, ի՞նչ միջոցներ կձեռնարկեր Լա Լիգան: Մենք կարգապահական գործ կհարուցեինք, և ակումբը կպատժվեր»։
