«Խետաֆեի» երկրպագուները վիրավորել են Մադրիդի «Ռեալի» հարձակվող Վինիսիուս Ժունիորին։ Բրազիլացին ենթարկվել է ռասիստական հարձակումների։
20-րդ տուրի խաղի մեկնարկից առաջ «Խետաֆեի» երկրպագուները սկսել են Վինիսիուսին կապիկ անվանել։ Ինչպես հայտնում է Marca-ն, դա տեղի է ունեցել այն ժամանակ, երբ «Ռեալի» ֆուտբոլիստները իջնում էին ավտոբուսից։
Մադրիդցիներ կարողացել են Խոսելուի դուբլի շնորհիվ հաղթել 2։0 հաշվով։
Նախկինում Վինիսիուսը «Վալյադոլիդի» դեմ խաղից հետո բողոքել էր ռասիզմից։ Այդ խաղում երկրպագուները սկսել են տարբեր առարկաներ նետել ֆուտբոլիստի ուղղությամբ։
