«Բարսելոնայի» գլխավոր մարզիչ Չավին «Օսասունայի» հետ Իսպանիայի Սուպերգավաթի կիսաեզրափակչի խաղից առաջ խոսել է իր թիմի ցուցադրած խաղից։
43-ամյա մասնագետը նշել է, որ «բլաուգրանան» շատ է սխալվում սեփական դարպասի առաջ։
«Մենք պետք է դադարենք նվերներ տալ մեր մրցակիցներին։ Այո, տանը որոշակի սխալներ ունեինք, որոնք դժվարացնում էին հանդիպումները, բայց կարծում եմ, որ աստիճանաբար վերացնում ենք դրանք։
Վերջին խաղերում մեզ հաջողվեց կատարելագործվել։ Փլեյ-օֆֆում մենք չենք կարող կրկնել նման սխալներ, քանի որ մրցակիցն անմիջապես կպատժի մեզ»,- Չավիի խոսքերն է մեջբերում Football Espana-ն։
