Մադրիդի «Ռեալը» ուսումնասիրում է «Մանչեսթեր Սիթիի» նորվեգացի հարձակվող Էրլինգ Հոլանդին ձեռք բերելու հնարավորությունը, հայտնում է AS-ը։
Մադրիդի «Ռեալը» դիտարկում է Հոլանդի տարբերակը, եթե թիմը չկարողանա պայմանագիր կնքել ՊՍԺ-ի հարձակվող Կիլիան Մբապպեի հետ։ Եթե Մբապպեն հետաձգի «Ռեալ» տեղափոխվելու որոշումը, մադրիդյան ակումբը վերջապես ուշադրությունը կդարձնի Հոլանդի վրա։
Ավելի վաղ հաղորդվում էր, որ Հոլանդը հետաքրքրված է մադրիդյան ակումբ տեղափոխվելով։
Հիշեցնենք, որ Հոլանդը «Մանչեսթեր Սիթիում» հանդես է գալիս 2022 թվականից։ Ֆուտբոլիստի պայմանագիրն ակումբի հետ նախատեսված է մինչև 2027 թվականը:
Այս մրցաշրջանում 23-ամյա նորվեգացին Պրեմիեր Լիգայում անցկացրել է 15 հանդիպում, դարձել 14 գոլի և 4 գոլային փոխանցման հեղինակ։ Ֆուտբոլիստի տրանսֆերային արժեքը գնահատվում է 180 միլիոն եվրո։
