Լոնդոնի «Արսենալը» շարունակում է ուժեղացումներ փնտրել հարձակման գծում։ «Զինագործները» հետաքրքրված են «Խետաֆեի» հարձակվող Բորխա Մայորալով, ով հայտնի է Մադրիդի «Ռեալի» կազմում իր ելույթներով։
Ինչպես հայտնի է դարձել The Mirror-ի լրագրողներին, լոնդոնյան ակումբը պատրաստ է մոտ 25 մլն եվրո հատկացնել 26-ամյա իսպանացի ռմբարկուին ձեռք բերելու համար։
«Արսենալի» գլխավոր մարզիչ Միկել Արտետան անձամբ է հետաքրքրված ֆուտբոլիստի ծառայություններով։ Բորխան այս մրցաշրջանում բարձր արդյունավետություն է ցուցաբերում: Հարձակվողը 22 խաղում դարձել է 14 գոլի հեղինակ։ Հարձակվողի և «Խետաֆեի» միջև գործող պայմանագիրը նախատեսված է մինչև 2027 թվականի հունիսի վերջը:
