Մադրիդի «Ռեալը» և «Բարսելոնան» կարող են հանդիպել շաբաթվա վերջին, եթե հաղթեն իրենց համապատասխան Իսպանիայի Սուպերգավաթի կիսաեզրափակիչում: Մադրիդյան թիմը կխաղա Մադրիդի «Ատլետիկոյի», իսկ «Բարսելոնան»՝ «Օսասունայի» հետ։
Մադրիդի «Ռեալի» գլխավոր մարզիչ Կառլո Անչելոտտին խոսել է «Բարսելոնայի» մասին։
««Բարսելոնան» մրցունակ թիմ է։ Մենք հարգում ենք նրանց: Նրանք մեր մրցակիցներն են ներքին բոլոր մրցաշարերում։ Սա նորմալ է մեզ համար։ Դա միշտ այդպես է եղել և միշտ կլինի»,- լրագրողների հետ հանդիպման ժամանակ ասել է Անչելոտտին։
