Ուկրաինական «Շախտյորի» պաշտպան Նիկոլայ Մատվիենկոն կարող է կարիերան շարունակել «Նապոլիում», հայտնում է Calcio Now-ն։
Աղբյուրի փոխանցմամբ՝ «Նապոլին» հունվարին կանի հնարավոր ամեն ինչ պաշտպանական գիծն ուժեղացնելու համար։ Մարզական տնօրենն ու սկաուտական ծառայության ղեկավարն արդեն նշել են Մատվիենկոյին որպես խաղացողի, ով կարող է օգնել լուծելու այս խնդիրը։
Իտալական ակումբը պաշտպանի արժեքը գնահատում է 30 միլիոն եվրո։
Մատվիենկոն «Շախտյորում» է հանդես գալիս 2017 թվականից։ Ֆուտբոլիստի պայմանագիրն ակումբի հետ նախատեսված է մինչև 2027 թվականը: Այս մրցաշրջանում ֆուտբոլիստը բոլոր մրցաշարերում մասնակցել է 16 հանդիպման, որոնցում դարձել է չորս գոլի հեղինակ։