Միլանի «Ինտերի» հարձակվող Լաուտարո Մարտինեսը չի կարողանա օգնել իր թիմին մինչև 2023 թվականի ավարտը։
Հիշեցնենք, որ ֆուտբոլիստը վնասվածք էր ստացել «Բոլոնիայի» հետ գավաթային խաղում (1:2՝ լրացուցիչ ժամանակից հետո): Sky Sport Italia-ին հայտնի է դարձել, որ 26-ամյա Մարտինեսը բաց կթողնի «Ինտերի» առաջիկա հանդիպումները «Լեչչեի» և «Ջենոայի» դեմ:
Ըստ աղբյուրի՝ արգենտինացին պատրաստ կլինի խաղադաշտ վերադառնալ հունվարին։ Ա Սերիայի 17-րդ տուրի «Ինտեր» – «Լեչչե» հանդիպումը կկայանա վաղը՝ դեկտեմբերի 23-ին։
