«Մանչեսթեր Սիթիի» կիսապաշտպան Կելվին Ֆիլիպսը կարող է կարիերան շարունակել Իսպանիայի առաջնության բարձրակարգ ակումբում, հայտնում է Barca Universal-ը։
Աղբյուրի համաձայն՝ անգլիացու ծառայություններով հետաքրքրված է կատալոնական «Բարսելոնան»։ «Բլաուգրանայի» ղեկավարները պլանավորում են հունվարին առաջարկ անել ֆուտբոլիստի տրանսֆերի համար: Ֆուտբոլիստի համար պայքարում «Բարսելոնայի» գլխավոր մրցակիցը համարվում է Թուրինի «Յուվենտուսը», որը երկար ժամանակ բանակցություններ է վարում «Սիթիի» հետ։
Ֆիլիպսը ընդգրկված չէ «Մանչեսթեր Սիթիի» կազմում և պահեստային խաղացող է։ Ընթացիկ մրցաշրջանում նա անցկացրել է յոթ հանդիպում և դարձել մեկ գոլի հեղինակ։
