Մադրիդի «Ռեալը» փոխել է դիրքորոշումը ՊՍԺ-ի հարձակվող Կիլիան Մբապպեի հարցում։
Ինչպես հայտնում է AS-ը, մադրիդյան ակումբը դեռևս հետաքրքրված է 24-ամյա ֆուտբոլիստով, բայց ոչ մի գնով նրան պայմանագիր չի կնքի։
Մադրիդի «Ռեալը» Մբապպեին պատասխանելու համար ժամանակ է տվել մինչև հունվարի 15-ը։ Եթե մինչ այս ամսաթիվը հարձակվողը չընդունի առաջարկը, մադրիդցիներն այլևս չեն համոզի նրան և կհրաժարվեն գործարքից։
Ավելի վաղ տեղեկություններ էին հայտնվել, որ Մբապպեն նոր պայմանագիր կկնքի ՊՍԺ-ի հետ՝ պայմանով, որ այն երկարաժամկետ լինի։
Այս մրցաշրջանում Մբապպեն Լիգա 1-ում անցկացրել է 14 հանդիպում, որոնցում դարձել է 15 գոլի և 2 գոլային փոխանցման հեղինակ։