Դորտմունդի «Բորուսիայի» վինգեր Մարկո Ռոյսը ՈՒԵՖԱ-ի Չեմպիոնների Լիգայի խմբային փուլի 6-րդ տուրի՝ ՊՍԺ-ի դեմ տնային հանդիպումից հետո հարցազրույց է տվել լրատվամիջոցներին։ Հանդիպումն ավարտվել է ոչ-ոքի՝ 1։1 հաշվով։
«Շատ լավ է, որ խմբում առաջին տեղն ենք գրավել։ Բարդ հանդիպում էր ՊՍԺ-ի հետ, որը կարող էր ավարտվել երկու թիմերի օգտին։ Հյուրերը բավականին վտանգավոր հակագրոհներ ձեռնարկեցին։
Եթե մենք ավելի երկար մնայինք փարիզցիների դարպասների մոտ, նրանց համար էլ ավելի դժվար կլիներ։ Վերջնական արդյունքը համարվում է միանգամայն արդար»,- Ռոյսի խոսքերն է փոխանցում թիմի մամուլի ծառայությունը։
«Բորուսիան» վաստակեց 11 միավոր և զբաղեցրեց առաջին հորիզոնականը, ՊՍԺ-ն (8) զբաղեցրեց երկրորդ տեղը:
