«Ռոմայի» հարձակվող Ռոմելու Լուկակուն իտալական ակումբում կմնա մինչև մրցաշրջանի ավարտը։ Հիշեցնենք, որ բելգիացին հռոմեացիների կազմում հանդես է գալիս վարձավճարով, նրա տրանսֆերային իրավունքները պատկանում են «Չելսիին»։
Ինչպես տեղեկացնում է The Athletic-ը, «Չելսիի» գլխավոր մարզիչ Մաուրիսիո Պոչետինոն մտադիր է առաջիկա տրանսֆերային պատուհանում ուժեղացնել իր թիմի կազմը։ Հաղորդվում է, որ տարբերակներից մեկը կարող է լինել Լուկակուի վերադարձը վարձակալությունից։
Ըստ աղբյուրի՝ ակումբների միջև կնքված պայմանագիրը չի պարունակում վարձակալության ժամկետը վաղաժամկետ դադարեցնելու կետ, ուստի հարձակվողը ևս առնվազն վեց ամիս կանցկացնի «Ռոմայում»։
Այս մրցաշրջանում 30-ամյա Լուկակուն խաղադաշտ է դուրս եկել 18 հանդիպման՝ ներառյալ բոլոր մրցաշարերը, խփել 11 գոլ և կատարել մեկ գոլային փոխանցում։